O Concello continúa coa súa aposta pola remodelación dos centros culturais ponteareáns. Xa están en marcha as obras de acondicionamento do Centro Cultural da parroquia de Guillade, uns traballos cos que se habilitará parte do edificio e que permitirán implantar unha actividade sociocultural para a veciñanza.

Con estas obras, o Centro Cultural de Guillade contará con cafetería, cociña, almacén, oficina, aseos adaptados e sala multiúsos.