LUÍS BARÁ PIDE QUE A XUNTA ATENDA AS NECESIDADES BÁSICAS E VITAIS PARA PONTEAREAS

O PP despreza aos veciños de Ponteareas nos Orzamentos da Xunta para 2018

1. Bará, en San Mateo
Luís Bará con membros do BNG na parroquia de San Mateo
O PP despreza aos veciños de Ponteareas nos Orzamentos da Xunta para 2018

O BNG ven de avaliar o proxecto de Orzamentos da Xunta de Galiza para o 2018. Acompañado de membros do BNG e do Deputado no Parlamento Galego, Luís Bará, o alcalde de Ponteareas, Xosé Represas, considerou “un desprezo intolerable para Ponteareas” o proxecto que presenta o PP, por “marxinar ás veciñas e veciños de Ponteareas e continuar a situación de abandono que mantén a Xunta coa nosa localidade”.

2. Bará, en San MateoAnte a inexistencia de partidas económicas concretas destinadas a Ponteareas, o deputado Luís Bará remarcou que “non pedimos ningún luxo, ningunha obra faraónica, só pedimos que se cubran necesidades tan básicas e vitais como que as veciñas e veciños de Ponteareas poidan contar con auga potable ou con saneamento.” Neste sentido, o BNG presenta unha emenda reclamando a implicación da Xunta na ampliación da rede de subministro de auga potable ata completar a totalidade das vivendas nas parroquias de Moreira, Fontenla, Angoares e San Mateo de Oliveira. Nesta última, o deputado do BNG lembrou que “hai escasas semanas as veciñas e veciños vían con impotencia como non podían dispor deste recurso básico mentres as súas vivendas estaban cercadas polo lume”.

Bará na Avenida CastelaoEntre a batería de emendas que presenta o BNG aos Orzamentos da Xunta para 2018, inclúese a reserva de partidas orzamentarias para a execución do proxecto de saneamento aprobado para a parroquia de Ribadetea, a mellora da seguridade viaria con dotación de beirarrúas nos tramos urbanos da estrada Mondariz-Salvaterra, obras de eficiencia enerxética e rehabilitación do CEIP Fermín Bouza Brey, a construción de ximnasios nas escolas de Guláns e Santiago de Oliveira, a nova escola infantil de Ponteareas ou a restauración da Ponte dos Remedios e protección doutros elementos do patrimonio.

O BNG é contundente ao sinalar que ao PP quédanlle dúas opcións, “ou aceptar as emendas que lle propomos para atender ás demandas das veciñas e veciños de Ponteareas, ou continuar co seu desleixo para deixalos tirados e ser politicamente inútiles para a cidadanía de Ponteareas”

Continuos incumprimentos do PP coa Circunvalación

Outra das emendas que presenta o BNG aos Orzamentos da Xunta solicita que se inclúa unha partida orzamentaria para a redacción do proxecto da Circunvalación de Ponteareas.

4. Bará no Bouza BreyDende o Bloque consideran que “o PP toma por parvos aos veciños de Ponteareas. Levan máis de 20 anos vendendo fume coa promesa da circunvalación, pero á hora da verdade non destinan nin un só euro para redactar o proxecto que faga realidade esta promesa”. Represas lembrou que “no ano 2015 a Conselleira de Infraestruturas comprometeuse co Concello e co Ministerio de Fomento a redactar o proxecto de trazado e construción, pero xa pasaron dous anos e seguimos sen nada, todo propaganda”.

 

O PP despreza aos veciños de Ponteareas nos Orzamentos da Xunta para 2018