Ningún traballador do concello cobrará por non ir traballar, quen falte será sancionado

Ningún traballador do concello cobrará por non ir traballar, quen falte será sancionado

Ponteareas vén de aprobar un regulamento para a asignación individualizada do Complemento de produtividade para as traballadoras e traballadores do Concello. Froito da intoxicación informativa do PP, difundíronse titulares totalmente disparatados nalgúns medios de comunicación.

Este complemento non é novo, xa existía. Víñase atribuíndo en Ponteareas dende hai moitos anos de xeito arbitrario e caciquil por parte do Partido Popular. O novo goberno local encabezado polo BNG está pondo orde na xestión do persoal municipal, regulando estes complementos como corresponde por lei, con transparencia e criterios xustos.

Un dos moitos criterios que marca este regulamento é ter en conta o tempo efectivo de traballo, así evítase que persoal de baixa cobre o mesmo que o persoal que traballa durante todo o ano.

Ao PP interésalle crear polémica para tapar os seus problemas, pero deberían pensar dúas veces antes de falar de persoal

 É completamente falso e absurdo que os traballadores cobren sen ir a traballar, como sinala o PP. De feito, se un traballador faltase o 10% da xornada sen a xustificación debida, non percibiría ese plus nin parte do salario, e ademais abriríaselle un expediente.

O PP non pode cambiar a realidade, por moito que queira imitar a Donald Trump creando as súas propias verdades, que sempre resultan ser mentiras descaradas. Interésalles crear polémica para tapar os seus problemas, como a investigación xudicial na operación Patos na que están imputados Belén Villar e o exalcalde Solla. Se tivesen un mínimo de vergoña, no PP deberían pensar dúas veces antes de falar de persoal, xa que o seu partido recibiu a maior condena do Tribunal Supremo ao ser inhabilitado todo o un goberno pola súa corrupta maneira de contratar persoal no Concello de Ponteareas.

gasto persoalDende que o BNG asumiu responsabilidades no goberno, aforrou no gasto de persoal 359.000€, e con este regulamento non se gasta máis. Coa aprobación do regulamento, xunto coa RPT (responsabilidades e funcións de cada posto de traballo) e o convenio en negociación, o goberno municipal acabará cos privilexios que mantivo o Partido Popular durante décadas.

 

Entrevista a Xosé Represas en Faro de Vigo

Entrevista a Xosé Represas en La Voz de Galicia