O BNG considera crucial e histórica a aprobación do PXOM

O BNG considera crucial e histórica a aprobación do PXOM

pleno_planO BNG de Ponteareas, a través do seu Responsábel Local, Santiago Domínguez, amosou a súa satisfacción pola aprobación do PXOM de Ponteareas no pleno celebrado o martes.

Segundo os nacionalistas, “trátase dun feito crucial e histórico, logo de trece interminables anos de tramitación, que servirá para resolver os problemas de moitas persoas e empresas e para abordar con planificación o futuro de Ponteareas”.

O nacionalista salientou o “amplísimo consenso” logrado polo goberno municipal que preside Xosé Represas, "pois o Plan tan só tivo un voto en contra. Este é o goberno do diálogo e da capacidade de acordo coa oposición”.

O BNG felicita ao alcalde e ao novo goberno municipal “porque en seis meses lograron mellorar o Plan Urbanístico con cambios importantes e poñer fin a un proceso interminable de máis dunha década, demostrando a capacidade e competencia do actual goberno”.

O Plan é un documento consensuado

Os nacionalistas recoñecen que “o Plan é un documento consensuado, non é o plan do BNG, nin do PP nin do PSOE, cadaquén faría o plan dun xeito distinto, pero é o plan do consenso, no que todos cedemos para aprobar as directrices que rexerán o desenvolvemento de Ponteareas por un período mínimo de 12 anos”.